Today's bodo rashifal December 26, 2024

आं दिनै नोंथांमोननि सिगांआव 10 षुस 1431 मायथाय एबा 26 December मायथायनि सानसेनि फानजामुथिखौ फरायथिनो लादों। आसा खालामो नोंथांमोना भिदिअखौ नायना मोजां मोनगोन।

Disclaimer: जों दाबि खालामा दि बे लिरबिदांयाव होनाय फोरमायथिया आबुङै सैथो आरो गेबें। गुवारै आरो बांसिन फोरमायथिनि थाखाय, अन्नानै सोमोन्दो गोनां आयदानि सासे रोंग'साजों सुबुरुन ला। 

Bodo rashifal 26.12.2024

गिबियाव दं -

1.मेष रासि

मेष रासिनि सुबुंफोरा दिनै गावनि जिउ लोगोरिजों गोरोबनाय सोमोन्दो लाखिगोन आरो मोनफ्रोमबो खामानियाव हेफाजाब मोनगोन। नोंथाङा न' लुनाय एबा साजायनायावबो गोसो होगोन आरो बेयाव माखासे रांबो बाहायगोन। बिमाया गासैबो आयदायाव मदद मोनगासिनो दं, नाथाय जुदि बियो नोंखौ दिनै माबाफोर खामानि मावनो थिनो, अब्ला थारैनो बेखौ खालाम, नङाब्ला बियो नोंनि सायाव रागा जोंनो हागौ। नोंथाङा नखरनि उन्दै गथ'फोरजों पिकनिक जानो सानथांखि लानो हायो। नोंथाङा मोनाबिलिखौ बबेबा धोरोमारि थावनियाव हगारगोन।

खाफाल गोनां दिग: सोनाब 

लाकि नम्बर: 6

खाफाल गोनां गाब: मोजां

 2.वृष रासि- 

वृष रासिनि सुबुंफोरा दिनै जिउ राहायारि जिउआव आबुं गोब्राब नाजानायजों दावगालांगोन। फरायसाफोरा गावसोरनि थांखिखौ मोनफुंनो थाखाय गोब्राब नाजानांगोन, अब्लासो बिसोरो जाफुंसार जानो हागोन। न'आव सासे खाथि सोमोन्दोनि सुबुं फैनो हागौ, जायनि जाहोनाव नखरनि सोद्रोमाफोरखौ खुसि नुनो मोनगोन। खामानि मावग्रा फालांगियारिफोरा दिनै खामानि मावथायाव मोजाङै दिन्थिफुंगोन आरो बिबानगिरिफोरनिफ्रायबो बाख्नायनाय मोनगोन। बिदा-फंबायफोरा मदद मोनगोन आरो गोबां आबुं जायै खामानिफोरखौ फोजोबनायाव गोसो होनाय जागोन। जुदि नोंथाङा बेलासियाव गावनि नसुंसेनि मानसिफोरजों बाथ्रा दान्थेलायनाय जायो, अब्ला दिनै नोंथाङा सिरि थानाया साबसिन जागोन।

खाफाल गोनां दिग: खोला सोनाब

खाफाल गोनां अनजिमा: 7

खाफाल गोनां गाब: खमला गाब

 3.मिथुन रासि 

मिथुन रासिया दिनै बांद्राय खामानिनि थाखाय मेंनाय आरो नारसिननाय मोननो हागौ। बिदा-फंबायफोरा मोनफ्रोमबो थासारियाव मदद मोनगासिनो थानायखौ नुनो मोनो, जाय नोंथांखौ गोहो होगोन। नोंथाङा नोंथांनि जिउ लोगोरिनिफ्रायबो माखासे मोजां खौरां खोनानो हागोन। दिनै नोंथाङा आजै-आजौनि सम्फथि मोननो हागौ। जायफोरा बाहागोदारि महरै फालांगि खालामो, बिसोर दिनै रां आरजिनो हागौ। नोंथाङा लोगोफोरजों गोदान बोसोरनि थाखाय सानथांखि बानायगोन। नोंथाङा मोनाबिलि समाव न'नि गथ'फोरजों थागोन, जाय नोंथांनि गोसोखौ गोजोन होगोन।

खाफाल गोनां दिग: सानजा

खाफाल गोनां अनजिमा: 1

खाफाल गोनां गाब: गोथां गाब

4. कर्क राशि

कर्क राशिनि नख'राव मोनसे धोरोमारि आबहावा थागोन, दान होग्रा हाबाफोराव दान होनाय जागोन। नखरनि सासे सोद्रोमानिफ्राय मोजां खौरां मोन्नायनि थाखाय नख'राव रंजानायनि आबहावा थागोन। दिनै नोंथाङा गोदान बोसोरनि पार्टिनि थाखाय शपिंआव माखासे रां बाहायगोन। मेगनजों सोमोन्दो थानाय जायखिजाया जेंनाया नोंथांखौ दुखु होनो हागौ, जाय नोंथांखौ एसे जिंगासिगोन। आयनि गुबुन गुबुन फुंखाफोर थागोन, नाथाय नोंथाङा बेफोरखौ सिनायनांगोन। जिउ लोगोरिजों गोरोबलायै जानो हागौ, जायनि जाहोनाव गोसोआरि नारसिनथाय थागोन। बेलासियाव नोंथाङा लोगोफोरजों रंजानाय नुनो मोनगोन।

खाफाल गोनां दिग: सोनाब

खाफाल गोनां अनजिमा: 3

खाफाल गोनां गाब: गोमो

5. सिंह रासि

सिंह रासिनि थागिबिफोरा दिनै खामानिजों सोमोन्दो लाखिनानै दावबायनो गोनां जानो हागौ। जुदि दिनै साख्रि मावग्रा सुबुंफोरनो माबाफोर खामानि होनाय जायो, अब्ला बेखौ आबुं गोसो होनांगोन, नङाब्ला बिसोरो बैसोगोराफोरनि रागाजों मोगा-मोगि जानांनो हागौ, जाय बिसोरनि दावगानायखौ होबथानो हागौ। दिनै नोंथाङा गावनि जिउ लोगोरिनि हेफाजाबजों जायखिजाया खामानि मावो, नोंथाङा थारैनो बेयाव जाफुंसार जानो हागोन। आथिखालाव नख'रारि फालांगि खालामग्राफोरनि थाखाय राङारि मुलाम्फानि खाबु दं। नोंथाङा बेलासियाव सासे गोजाम लोगोखौ लोगो मोननानै गोजोनगोन।

खाफाल गोनां दिग: सोनाब

खाफाल गोनां अनजिमा: 5

खाफाल गोनां गाब: गोथां

 6. कन्या रासि - 

कन्या रासिया दिनै रां थिसननायनि सिगां सासे गागि सोद्रोमाजों सुबुरुन लानांगोन। जुदि नोंथाङा सासे लोगोनि सुबुरुनाव रां थिसनो, अब्ला नोंथांनि राङा गोमानो हागौ। बिबुंथिनि गोदैआ नोंथांखौ खामानिनि जायगायाव माखासे गोदान लोगो बानायनो हागौ, जाय नोंथांनि लोगोफोरनि अनजिमाखौबो बांहोगोन। जुलिनि य'गानि थाखाय मोजां थांखिफोर थागोन, जायखौ नखरनि सोद्रोमाफोराबो स्टाम्प होनो हागोन। खामानिनि जायगायाव मोनसे गोरोबथाखौ थि खालामनो थाखाय नोंथाङा गोख्रोंसिन खामानि मावनांगोन, जाय नोंथांखौ एसे मेंनाय मोनहोगोन। मोनाबिलिखौ नखरनि सोद्रोमाफोरजों बारहोनाय जागोन।

खाफाल गोनां दिग: खोला

खाफाल गोनां अनजिमा: 7

खाफाल गोनां गाब: मोजां गाब

7. तुला रासि: 

 

दिनैनि साना तुला रासिनि सुबुंफोरनि थाखाय मोजां जागोन। समाजारि बिथिङाव खामानि मावग्रा सुबुंफोरा मान मोन्नाय नुनो मोनो। जुदि नोंथाङा दिनै मोनसे गोदान फालांगि जागायनो लुबैयो, अब्ला बिनि थाखाय बेयो मोनसे मोजां सान जागोन। जाय सुबुंफोरा बेटिंआव रां खाथायगोन बिसोरो दिनै गावसोरनि रांखौ मोनफिनगोन। गथ'फोरा गोहोजों बुंफबनाय जागोन आरो फरायनायाव गोसो होगोन। जुदि नोंथाङा फालांगियाव थिरांथा लानांगौब्ला, अब्ला गोबां सान, अब्लासो नोंथाङा जाफुंसारगोन। बिहाव-बिखुनजोनि जायखिजाया सोद्रोमाजों बाथ्रा दानथेलायनायनिफ्राय गोजानाव था। नोंथाङा बेलासियाव बबेबा धोरोमारि थावनियाव थांनो हागोन।

खाफाल गोनां दिग: साहा 

खाफाल गोनां अनजिमा: 2

खाफाल गोनां गाब: गोजा

8. ब्रिचिक राशि

ब्रिचिक राशिनि सुबुंफोरा दिनै नखरनि सोद्रोमाफोरजों धोरोमारि हाबाफारिफोराव बाहागो लागोन आरो थारैनो बै हाबाफारिफोरनि मुलाम्फा लागोन। फरायसाफोरा दिनै गावसोरनि फरायनायनिफ्राय माखासे गोजोनथाव फिथाय मोनगोन। जुदि नोंथाङा फालांगिजों सोमोन्दो लाखिनानै दावबायनो थांनांगौ, अब्ला थारैनो थां, मानोना बेयो नोंथांनि थाखाय मुलाम्फा गोनां जागोन। सासे लाइमोन आलासिआ गोदानै हाबा जानाय सुबुंफोरनि न'आव सफैनो हागौ। मोजां मोनलायनाय जिउ थानाय लोगोरिजों रायज्लायनाय समाव, नोंथाङा गावनि बिबुंथिखौ सामलायनांगोन, नङाब्ला माबा मोनसे गोरोन्थि जानो हागौ। बेलासियाव नोंथाङा नोंथांनि जिउ लोगोरिखौ ओंखाम जानो थाखाय बायजोआव लांनो हागोन।

खाफाल गोनां दिग: खोला सानजा

खाफाल गोनां अनजिमा: 3

खाफाल गोनां गाब: चन्दननि गाब

9.धनु रासि

धनु रासिनि सुबुंफोरा दिनै मोजां सावस्रियाव थागोन आरो बादायलायनायाव साबसिन दिन्थिफुंनो हागोन।

नोंथाङा नखरनि सोद्रोमाफोरनि थाखाय गोदान बोसोरनि थाखाय मोनसे पार्टि खुंनो साननो हायो। जुदि बिहाव-बिखुनजोनि फारसेनिफ्राय सोरजोंबा नांलाय-खमलाय सोलिगासिनो दं, अब्ला बेखौ बिसि-फिसायनि मददजों सुस्रांनाय जागोन। नखरनि सासे सोद्रोमानि हाबायाव फैनाय हेंथाखौ दिनै बोखारनाय जागोन, जाय बिसोरनि थाखाय मोनसे मोजां खाबु लाबोनो हागौ। जुदि नोंथांहा गोजाम दाहार दं, अब्ला दिनै नोंथाङा बेखौ सुख'नो हागोन। जेब्ला सोरजोंबा जेंनाखौ फोरमायो, अब्ला गोसोआव लाखि दि रावबो नोंथांनि रायज्लायनायनि मुलाम्फा लाया।

खाफाल गोनां दिग: सा-सानजा

खाफाल गोनां अनजिमा: 6

खाफाल गोनां गाब: गोजा

10. मकर रासि

मकर रासिनि सुबुंफोरा दिनै गावसोरनि बिहाव-बिखुनजोनिफ्राय रां मोननो हागौ। दिनैनि साना साख्रिनि थाखाय खामानि मावग्रा सुबुंफोरनि थाखाय मोनसे मोजां सान जानो थांगासिनो दं मानोना बिसोरो दिनै मोनसे साबसिन खाबु मोननो हागोन। सोरखारि नङि साख्रिजों सोमोन्दो थानाय सुबुंफोरा दिनै गावसोरनि खामानियाव गोसो होनांगोन, नङाब्ला मावख'गिरिफोरा मासि जौगानायाव हेंथा होनो हागौ। जुदि नोंथाङा बिजिरसालिजों सोमोन्दो गोनां केसनि गेजेरजों थांगासिनो दं, अब्ला दिनै नोंथाङा बै केसआव देरहानो हागोन। जुदि नोंथाङा मोनसे सम्फथि बायनो एबा फान्नो सानदोंब्ला, अब्ला बेनि गासैबो बिथिंफोरखौ उदाङै नाय, नङाब्ला बै सम्फथिया इयुनाव नोंथांनि थाखाय खहा गोनां जागोन।

खाफाल गोनां दिग: खोला सोनाब

खाफाल गोनां अनजिमा: 1

खाफाल गोनां गाब: गोथां

11.कुम्भ रासि

कुम्भ रासिनि सुबुंफोरा दिनै नखरनि सासे सोद्रोमाजों गोथार थावनियाव थांनो हागोन। जुदि नोंथाङा बबेबा बेंक फसंथाननिफ्राय लन लानो सानदों, अब्ला दिनै गोरलैयैनो मोनगोन। जुदि फरायसाफोरा जायखिजाया बादायलु आनजादाव बाहागो लानो गोसोखौ थि खालामबायब्ला, अब्ला बिसोरो दिनै बै आनजादनि थाखाय आरजलाइ होनो हागोन। साख्रि मावग्रा सुबुंफोरा दिनै मावख'नि राजखान्थिनिफ्राय गोजानाव थानांगौ आरो गावसोरनि खामानियाव गोसो होनांगौ। सुथुरफोरा दिनै नोंथांखौ जेबो रोखोमनि खहा खालामनायाव फेलें जागोन। मोनाबिलिखौ बिमा-बिफानि सिबिनायाव हगार।

खाफाल गोनां दिग: साहा

खाफाल गोनां अनजिमा: 3

खाफाल गोनां गाब: गोमो

 12. मीन रासि

मीन रासिखौ दिनै नखरनि उन्दै गथ'फोरनि हाबिलाफोरखौ आबुं खालामनाय नुनो मोनगोन। दिनैनि साना फरायसाफोरनि थाखाय साबसिन फिथाय लाबोगोन, बिसोरो गावसोरनि थांखिफोरनि बादै गोसो गुदुं जागोन। नोंथाङा फालांगिनि थाखाय माखासे गोनां थिरांथाफोर लानो हागौ, जायनि सायाव नोंथाङा फालांगियारि बाहागोगिरिजों सावरायनांगोन। नख'रनि सासे सोद्रोमानि सावस्रिआ हरखाबै गाज्रि जानायनि जाहोनाव नारसिनथाय जानो हागौ आरो नोंथाङा खारलांनोबो गोनां जानो हागौ। खामानि मावग्रा फालांगियारिफोरा लोगोफोरजों गोदान बोसोरनि थाखाय बिथांखि लागोन आरो मावख'गिरिफोरनोबो खोन्थागोन। बेलासियाव नोंथाङा नखरनि थाखाय माखासे अनथोबफोर बायनो हायो।

खाफाल गोनां दिग: सोनाब

खाफाल गोनां अनजिमा: 9

खाफाल गोनां गाब: खमला गाब