बिटिआरआव हेन्डलुम दारिमिना जौगा थाखोनि इसान रानना होदों।

Bodoland news 

(बिटिआर) आखाइ इसान सेक्टरखौ जौगाहोनो थाखाय मोनसे मख'जाथाव राहा लानानै मानगोनां मावफुं सोद्रोमा (इएम) ड° धनन्जय बसुमतारीआ बिजनी जिल्लानि सा 48 मुलाम्फा मोनग्रा सि दाग्राफोरनो जेक्वार्ड मेसिन आरो एक्सेसरिजजों सुजाबनाय फ्लाइ शटल फ्रेम लुम्स राननानै होयो।

बड'लेन्ड टेरिटरियेल काउनसिल (बीटीसी) नि हेन्डलुम एन्ड टेक्सटाइल बिफानजों खुंजानाय राननाय फोर्बोआव टिसिएलसिसिनि मासिगिरि मानगोनां एमसिएलए श्री प्रदीप बायन, गागि बिफानारि मावख'गिरिफोर आरो गुबुन मानगोनां आलासिफोरजों लोगोसे गोबां गेदेमा सुबुंफोरा नुजाथिदोंमोन।

बे फालिथाइयाव ड. बसुमतारीआ सि दाग्राफोरनि थाखाय अरायथा जिउ राहाखौ रोखा खालामनो आरो ओनसोलनि धोनि हारिमुआरि उनमोनथाइखौ जौगाहोनो थाखाय दोरोङारि आखाइ-इसान हुदाफोरखौ गोदान मुगायारि खालामनायनि गोनांथिनि सायाव गोसो होयो। बिथाङा मिजिं थिदोंमोन दि गोदान आगजुफोरा दिहुनथाय आरो गुनखौ बांहोगोन, जायजों सि दाग्राफोरा गिदिर हाथाइफोराव बादायलायनो हागोन।

बे हाबाफारिया बांसिन रांखान्थियारि जौगानायनि थाखाय गोदान आदबफोरखौ खौसे खालामनायजों लोगोसे आखाइ-इसान हारिखौ गोहो होनो आरो दोरोङारि शिल्पखौ संरैखा खालामनो बीटीसीनि रादाइखौ दिन्थियो।